Lífið í Lifrarpolli

Jæja góðir hálsar.. nóg að gera hjá minni eins og oft áður í skólanum  en það er bara gott.. manni ætti ekki að leiðast á meðan!

Á föstudaginn síðasta fór ég á "þorrablót" með nokkrum starfsmönnum í Öskju (hádegismatur) en þar var á boðstólnum brennivín og léttbjór með matnum.. ég sat með 2 útlendingum sem báðir borðuðu þorramat og drukku brennivín (2 staup) þannig að ég íslendingurinn gat ekki verið minni manneskja og fékk mér eitt staup og einn léttbjór .. en þetta var s.s. nóg fyrir hænuhausinn mig til að finna áhrifin .. já í hádeginu  eftir matinn fór ég að ræða við Gísla (leiðbeinanda) og hann skaut því að mér að ég ætti að halda fyrirlestur um verkefnið mitt á raunvísindaþingi.. þar sem ég var frekar light í hausnum sagði ég bara.. : jájá en eins gott að það verði ekki erfiðar spurningar eftir hann! eeeeeen núna er ég að berja mig í hausinn yfir að hafa verið svona djörf! því ég veit ekkert hvar ég á að byrja og hvernig ég ætla að redda mér í gegnum þetta.. þeir fyrirlestrar sem ég hef hingað til gert eru úr verkum annara og yfirleitt í samvinnu við aðra nemendur  en vonandi reddast þetta !

Á næsta laugardag er svo annað þorrablót og í þetta sinn er það haldið hjá Veiðimálastofnun  ég ætla að sjálfsögðu að skella mér og fá mér þorramat og sennilega bara vatn

Svo er ég búin að panta mér far til Ísafjarðar um páskana  maður getur ekki látið rokkhátíð alþýðunnar fara framhjá sér... eða skíðaviku!

En í bili,

Rakel djarfa

Jæja þá er lífið komið í gamla góða farið aftur ! ég mætt í skólann (Öskju) og Jóna Lára í sinn skóla

Ég er þessa dagana að klára blaðgrænumælingar og að útbúa kísilþörungasýni til frekari greiningar.. voða stuð s.s. hjá mér! Aukin pressar er sett á mig núna með verkefnið þar sem Gísli og Jón vilja fá niðurstöður fyrir október á þessu ári.. úff... verður kreisí að gera og skipulag þarf að vera meira en áður þekktist hér á bæ.. annars er Gísli er búinn að fá nýjann Dr nema sem heitir Leifur og er færeyskur peyji.. alveg frábær í alla staði og gaman að deila með honum skrifstofu. Allir hinir labbafélagarnir eru á sínum stað og mikið verið að ræða málin í hópum .. bara næs!

Að auki við venjulega labbavinnu sit ég 2 námskeið. Annað heitir Gróðurríki Íslands og jarðvegur en hitt heitir Vatna og loftslagsfræði og er við jarðfræðiskor. Mér lýst betur á það seinna þar sem hið fyrra eru endalausar þurrar upptalningar enn sem komið er.. gæti breyst.. eða ég vona það allavegana!

í bili...

Rakel

Well well.. nú er kominn sunnudagur og á morgun fer ég til Íslands  mikil tilhlökkun að hitta fjölskylduna og extra tilhlökkun að hitta tannálfinn !  

Ég skellti mér í bæinn á fimmtudaginn og tók nokkrar jólaljósamyndir í bænum.. kann ekki að setja þær inn í bloggtextann þar sem ég er einstaklega tölvuheft.. væri ekki slæmt ef einhver biði sig fram við að sýna mér hvernig þetta er gert ??? einhver??  Einnig voru nokkur hrædd hreindýr til sýnis og gervisnjór úr froðu var svífandi yfir svæðinu þar sem þau voru..

Á föstudaginn fórum við nokkur saman út að borða til að kveðja mig... skelltum okkur á indverskan veitingastað.. voðalega góður matur ! Brian kom með í þetta sinn og gaf mér jólapakka  verður spennandi að opna hann um jólin.. Ég er búin að kaupa pakka fyrir hann og Heiðrúnu en það ku vera bók (made in Iceland) og makkíntons dós fyrir hvort.. vona að þau verði sátt við það!

Núna á ég eftir að þrífa herbergiskitruna mína og klára að pakka niður.. fer aðeins í skólann í fyrramálið til að senda dótið mitt (verður sótt í skólann) og svo er bara næsta skref að dröslast til Manchester.. með góða bók að lesa svo tíminn líði.. á ekki flug fyrr en um kl 21

Annars er þetta  búinn að vera ágætis tími.. búin að læra margt gagnlegt sem ég hefði ekki getað kynnst heima á klakanum.. og svo hefur maður bara gott af því að kíkja aðeins út fyrir landssteinana og sjá hvernig önnur lönd eru með sinni menningu og háttum

Rakel - bráðum á Íslandi..

Lífið er eins rólegt og fyrr hérna í pollinum.. búin að vera í sama fasanum.. vinna, borða, sofa

Ég fór á pubquiz um daginn með vatnalíffræðingum, þurrlendislíffræðingum og svo meirihluta hópsins sem voru sjávarlíffræðingar.. sem skipulögðu dæmið. Það undirstrikast vel á þemanu sem þau völdu hvað líffræðingar geta verið skrítnir.. en þemað var matrix algebra.. eða á íslensku: fylkja algebra  Ekki minn bolli af tei má segja.... Það voru samt ekki allar spurningarnar um þetta sem betur fer ! ég gat meira að segja svarað alveg einni spurningu.. en það var spurning um leikkonu.. enginn þekkti myndina af henni nema ég og þessi leikkona er íslendingum kunn úr Desperate housewifes og heitir Eva Longoria (bretarnir könnuðust ekkert við hana.. hehe.. og ég hélt að allir vissu hver hún væri)..

Hún Jóna Lára skvís er búin að missa hina framtönnina og er að mér skilst smámælt.. getur sungið um jólin: all I want for christmas is my two front teeth.. my two front teeth  Annars er hún bara kát en saknar gömlu konunnar eins og gamla saknar hennar! en það eru í dag 21 dagur þangað til við hittumst og þá verður GAMAN

Þessa dagana er ég að greina grænþörunga og blágræna þörunga... og já uppáháldin mín kísilþörunga í og með.. ef ég hefði ekki þá síðast nefndu þá væri þetta ekkert stuð.. þeir eru fallegir, fjölbreytilegir og reglulegir í lögun (sem hinir eru EKKI - arggggg).

Ég ætla mér til yndisauka að skella mér á fyrirlestra um aðhvarf og fylgni á morgun.. veitir ekkert af því að rifja upp

Annars í bili,

Rakel

Jæja þá er helgin liðin og gott betur .. komið þriðjudagskvöld og alles.. Emma var hjá mér um helgina og var mikið verslað og góður matur borðaður. Ég uppgvötvaði paradísarbúð þ.e. sem selur allt fatakyns á mjög lágu verði .. og fötin eru í flestum tilfellum vönduð. Er búin að kaupa inn í heilann fataskáp á Jónu Láru en skv. pabba hennar veitir ekki af því vegna þess að stúlkan er að vaxa vel og mikið .. mér á sjálfsagt eftir að bregða þegar ég sé hana eftir rúman mánuð (víí bara rúmur mánuður eftir)  

Ég hitti dónalegasta kall í þjónustustarfi (sem ég man eftir allavegana) í gær þegar ég tók taxa heim. Tók s.s. taxa frá lestarstöðinni að "heimili" mínu.. þegar ég sagði karluglunni hvert ég vildi fara hristi hann hausinn og emjaði.. ég spurði bara : what og hann ansaði ekki.. tautaði svo um hvað ég hefði nú getað verið fljót að labba bara (var reyndar of þreytt til að labba meira þann daginn). Svo þegar við komum að byggingunni sem ég bý á sagði ég: þú mátt bara stoppa hjá næsta bíl (sem var úti í kanti) og þá hreitti hann í mig að ég þyrfti nú ekkert að segja honum hvar ég vildi stoppa því hann vissi það alveg (greinilega kominn með nóg af stúdentum á stúdentagarðinum). Svo stoppaði karlmyglan og henti (bókstaflega) í mig afgangnum og gretti sig. Ví í í gaman að lenda í svona fólki ! Allavegana myndi maður hugsa sér að breyta um starf áður en það væri orðið svona leiðinlegt

Annars fór ég í mjög skemmtilegann fyrirlestur í dag hjá Brian Moss. Hann var að fjalla almennt um vatn og lagskiptingu/blöndun í stöðuvötnum. Til þess að gera kennsluefnið skýrt var hann með svona "nýjustu tækni og vísindi" atriði. Var með vatn í nokkrum krukkum/búrum og bætti svo efnum út í, kveikti á hárþurku til að líkja eftir vindi og notaði lampa yfir vatnsskál til þess að líkja eftir sólarhitun.. mjög áhugavert hjá karlinum  svo reitti hann af sér brandarana eins og hann gerir gjarnan í fyrirlestrum.. væri næs ef fleiri prófessorar væru svona líflegir ! Þetta er svo í fyrsta sinn sem þessi kúrs er kenndur þar sem sá gamli er að fara á eftirlaun og enginn tekur við af honum.

Annars í bili,

Rakel